Assange kandidon për Senatin
17/03/2012 00:00
Shefat e NATO-s zhvillojnë “bisedë të hapur” rreth garancive të sigurisë për Ukrainën 20/08 20:59
Julian Assange ka vendosur të kandidojë në zgjedhjet për senatin australian në vitin 2013. Lajmin e ka bërë të ditur Wikileaks, përmes një mesazhi në Twitter.
“Kemi zbuluar se Julian Assange mund të kandidojë edhe pse është në arrest shtëpie”, ka shkruar faqja e diskutueshme e internetit në mesazhin e saj.
Assange ndodhet në arrest shtëpie pasi u arrestua në Londër, në dhjetor të vitit 2010, në kuadër të një hetimi për agresion seksual të kryer në Suedi, vend që ka kërkuar ekstradimin e tij.
Së fundmi aktivitetet e Wikileaks janë reduktuar dhe faqja e internetit është në pritje të kabllogrameve të reja që do t’i dërgohen Departamentit të Shtetit nga ambasadat amerikane nëpër botë.
Angazhimi i fundit i Assange ka qenë dhënia e zërit për personazhin e tij në filmin vizatimor amerikan, “The Simpsons”, ku ai takohet me familjen më të famshme të Amerikës.
Top Channel
