Padia ndaj vëllezërve Deda
16/03/2012 00:00
Artizanët në Elbasan/ Tradita që trashëgohet ndër breza, nismë për të promovuar të rinjtë
13/04 20:27
Gjykata e Tiranës rrëzoi kërkesën e tre vëllezërve të Hekuran Dedës, të vrarë në ngjarjet e 21 janarit të vitit 2011 përpara kryeministrisë, për pezullimin e padisë së gardistit Skeja.
Padia e gardistit Fatos Skeja u ngrit prej tij për shpifje, fill pasi tre vëllezërit i bënë atij kallëzim penal në Prokurorinë e Tiranës, nën akuzën e moskallëzimit të krimit dhe veprimeve që pengojnë zbardhjen e së vërtetës.
Mbrojtja e tre vëllezërve i kërkoi gjykatës të mos e gjykojë padinë e bërë ndaj tyre për shpifje deri në momentin që prokuroria të përfundojë hetimet.
Mirëpo, gjykata e hodhi poshtë kërkesën e tyre duke i dhënë të drejtë gardistit të vazhdojë me proçesin gjyqësor në ngarkim të vëllezërve Deda për shpifje.
Vëllezërit Deda e akuzojnë gardistin se u ka premtuar që do t’u japë fotografinë dhe emrin e atij që vrau vëllanë e tyre më 21 janar, si dhe shpërblim në të holla nëse do të prisnin për ngushëllim kryeministrin e vendit Sali Berisha.
Top Channel
