OKB-ja, mision humanitar në Siri
16/03/2012 04:30
Akuzohet për spiunazh në favor të Rusisë dhe Iranit, arrestohet punonjësi i ambasadës amerikane në Oslo 22/11 22:38
OKB ka thënë se do të dërgojë një mision humanitar në Siri këtë fundjavë për të vlerësuar situatën atje.
Ekipi do të jetë pjesë e delegacionit të udhëhequr nga qeveria siriane, i cili gjithashtu do të përfshijë një staf prej Organizatës së Bashkëpunimit Islamik.
Grupi do të vizitojë qytetet kryesore të opozitës përfshirë Homsin, Hama dhe Deraa.
Njoftimi erdhi në përvjetorin e parë të kryengritjes kundër regjimit sirian, i cili deri më tani ka marrë më shumë se 8,000 jetë njerëzish.
Në një deklaratë, shefja e huamanitare në OKB, Valerie Amos theksoi rëndësinë e “qasjes së papenguar për të identifikuar nevojat urgjente dhe siguruar kujdesin emergjent dhe furnizimet themelore”.
“Nuk ka kohë për të humbur,” tha ajo.
Njoftimi i OKB-së erdhi pasi një koalicion prej 200 organizatash të ndihmave dhe grupeve së të Drejtave të Njeriut i bënë thirrje Rusisë dhe Kinës për të mbështetur përpjekjet e Kombeve të Bashkuara për të t’i dhënë fund dhunës në Siri.
Top Channel
