Eurozona rrit fondin e emergjencës
16/03/2012 00:00
Drejtonte kartelet që kërcënuan princeshën e Holandës, Spanja liron “aksidentalisht” bosin e drogës 23/04 22:54
17 vendet e eurozonës ranë dakort të rrisin fondet rezervë që do të përdoren për emergjencat financiare në të ardhmen për vendet anëtare të monedhës së përbashkët të zhytura në borxhe.
Fondi i parë, që do të përbëhet nga rreth 500 miliard euro do të krijohet në muajin korrik, ndërsa më vonë fondit pritet t’i shtohen edhe 200 miliard euro.
Ky fond do të përdoret për vendet e zhytura në borxhe që do të kenë nevojë për ndihmë nga jashtë, si Italia apo Spanja. Por ekspertët financiarë shprehen se sasia është e pamjaftueshme për të mbrojtur ekonomitë e mëdha të eurozonës, sic është ajo italiane dhe ajo spanjolle.
Aktualisht fondet e emergjencës të krijuara nga vendet e monedhës së përbashkët po përdoren kryesisht për të shmangur falimentin e Greqisë si dhe për të nxjerrë nga kriza Portugalinë dhe Irlandën.
Top Channel
