Serbi, në maj zgjedhjet legjislative
13/03/2012 00:00
Projektligji për Gjykatën Speciale dërgohet në Qeveri, 120 pako dorëzohen pas protestës në Prishtinë 01/10 19:02
Skema e ngjyrave
Madhësia e shkrimit
Presidenti serb Boris Tadiç ka njoftuar të martën se zgjedhjet legjislative në Serbi do të mbahen më 6 majin e ardhshëm.
Partitë duhet të prezantojnë listat e tyre tek komisioni elektoral brenda 21 prillit, të shoqëruara me firmat e të paktën 10 mijë zgjedhësve që i mbështesin ato.
Votuesit do të thirren për të rinovuar 250 vendet e Parlamentit, ndërsa pragu për hyrjen e partive në këtë institucion është caktuar në 5 për qind.
Zgjedhjet parlamentare në Serbi vijnë në një moment kur vendi ka marrë statusin e kandidatit për në Bashkimin Evropian.
Mazhoranca e re që do të dalë prej këtij proçesi do t’i duhet të punojë për të siguruar caktimin e datës së nisjes së bisedimeve për anëtarësimin.
Gjithashtu, qeveria e re do të ketë përgjegjësinë për vazhdimin e bisedimeve me Kosovën, të ndërmjetësuara nga Brukseli, në të cilat në fund të shkurtit u arrit marrëveshja e rëndësishme.
Top Channel
