Rusi, sërish protesta kundër Putin

Autoritetet u kanë dhënë leje deri në 50 mijë protestuesve që të mblidhen në një nga sheshet kryesore të Moskës.

Një valë protestash shpërtheu dhjetorin e kaluar, pas zërave se zgjedhjet parlamentare ishin manipuluar.

Dyshime të ngjashme kanë përfshirë edhe zgjedhjet presidenciale, që panë kryeministrin Vladimir Putin të fitonte mandatin e tretë në krye të shtetit.

Vendet e huaja e kanë pranuar fitoren e tij. Vetë presidenti amerikan Barack Obama i ka telefonuar sot Putin për ta uruar për rizgjedhjen.

Gjithashtu, ka njoftuar Shtëpia e Bardhë, dy liderët kanë folur për Afganistanin, Sirinë dhe Iranin. Por vëzhguesit kanë deklaruar se proçesi është manipuluar në favor të tij.

Korrespondenti i BBC në Moskë, Richard Galpin deklaron se disa liderë të opozitës kanë planifikuar një manifestim shumë të madh për ditën e shtunë, pjesërisht sepse lëvizja e tyre nuk arriti të parandalonte marrjen e mandatit të tretë nga Putin.

Demonstratat e ditës së sotme do të jenë një test i rëndësishëm për oreksin e opozitës për vazhdimin e protestave në rrugë, nënvizon korrespondenti Galpin.

Qarkullojnë zëra se opozita duhet të ndryshojë taktikë dhe të fokusohet në ngritjen e partive të reja politike për të sfiduar partitë në pushtet.

Top Channel