SHBA, Romney kryeson në votime

Ashtu sic pritej, ai mori fitore ne shtepine e tij, Masacusets, Ajdaho, Vermont dhe Virxhinia. Romney kryesoi edhe ne Alaska, garë për të cilën shpresonte Ron Paul. Ish-guvernatori i Masacusets, duke iu drejtuar perkrahesve ne Boston u shpreh i bindur se do te jete kandidati fitues, perballe Obames ne zgjedhjet e nentorit.

“Do ta fitoj kete kandidature. Ne do te numerojme kandidatet per konventen dhe cdo gje duket ‘ok’, madje po numerojme ditet deri ne Nentor dhe duket edhe me mire. Do t’i marrim votat tuaj. Nje votim i madh sot ne Masacusets dhe duhet ta mbajme ate fitore drejt Shtepisse se Bardhe”, tha Romney.

Ish-senatori i Pensilvanise, Rick Santorum tha se 3 fitoret e tij ne Tenezi, Oklahoma dhe Dakota e Veriut deshmuan se eshte ai alternativa konservatore me e mire.

“Ishte një nate e madhe, disa shtete. Ne do te fitojme disa e do te humbim disa. Por sic duken gjerat deri tani, ne do te marrim se paku nje cift medaljesh ari dhe nje grup tjeter, plot medalje argjendi”, tha Santorum.

Ohajo ishte gara me e rendesishme per kandidatet republikane. Asnjeri republikan nuk ka mberritur ne Shtepine e Bardhe pa fituar Ohajon, i ashtuquajtur si “ dashi i kembores” ne zgjedhjet presidenciale. Nga 66 delegatet, Romney mori 35 ndersa Santorum 21. Ky i fundit- sipas sondazheve- ishte kryesues, por makina mire financuar, elektorale e Romney-t e mposhti.

Newt Gingrich fitoi shtetin e Xhorxhias.”Eshte nje kapitull per luften per natyren e vertete te Amerikes. Eshte kapitulli qe percakton se cilet jemi ne si popull. Dhe me lejoni te jem i qarte, besoj se une jam kandidati i vetem, qe ka aftesine per te debatuar vendosmerisht Barak Obamen”, tha Gingrich.

Ndersa Ron Paul mbeshteti shpresat te Alaska, per te vetmen fitore te cilen nuk mund ta marre.…

“Do t’ju them ate qe kam thene shpesh se populli amerikan jane perpara Uashingtonit. Uashingtoni eshte ne gjume. Ne jemi ne rrugen e duhur per te garantuar se ata e degjojne mesazhin tone ne rrugen drejt DC”, tha Paul.

Kandidati republikan qe do te ndeshet me Barak Obamen ne zgjedhjet presidenciale te Nentorit do te zgjidhet nga Konventa e Partise, ne muajin gusht. Per ta siguruar kete do te duhet mbeshtetja e mbi 1440 delegateve. Ne garen e te martes ishin ne loje 400 delegate. Mitt Romney ka aktualisht 415 delegate, Santorum 176, Gingrich 105 dhe Paul 47. Analistet thone se gara s’ka mbaruar akoma dhe ne zgjedhjet  e ardhshme paraprake nuk duket se do te favorizojne Romney-n. Kansas, Albama, Misisipi dhe Hauai – ne 10 ditet e ardhshme- do te shnderrohen ne fushebetejat e kandidateve republikane.

Top Channel