SHBA bisedime me Kastron për të burgosurin
24/02/2012 23:59
Akuzohet për marrje ryshfeti, ligjvënësi Cuellar: Do vazhdoj fushatën për një mandat tjetër 04/05 22:16
Një senator amerikan është takuar me presidentin kuban, Raul Kastro në lidhje me arrestimin dhe dënimin e një kontraktori amerikan.
Senatori Patrick Leahy tha se bisedimet për lirimin e Alan Gross, që aktualisht po kryen dënimin 15-vjeçar, do të duhen kohë për t’u përfunduar.
Deri tani Kuba ka refuzuar kërkesat amerikane për lirimin e Gross, i cili u arrestua pasi mori pajisjet e internetit në ishull.
Senatori Leahy tha se zoti Kastro ngriti çështjen e pesë kubanëve të dënuar për një kohë të gjatë në burgjet e SHBA-ve, por kurrë nuk foli drejtpërsëdrejti për një shkëmbim të burgosurve.
Leahy dhe senatori tjetër Richard Shelby, u takuan gjithashtu me Gross gjatë vizitës së tyre.
Gross u dënua në dhjetor të 2009-ës pasi u dërgoi kompjutera dhe pajisje të tjera komunikimi komunitetit hebre në Kubë.
Në atë kohë ai punonte si kontraktor për Departamentin e Shtetit Amerikan.
Në dhjetor, Kuba liroi 86 të burgosur të huaj si pjesë e një programi të gjërë amnistie, por nuk pëfshiu në të edhe Gross.
Top Channel
