Shpesh fitoret ndërtohen duke filluar nga mbrojtja dhe Antonio Conte është i qetë sepse reparti difensiv i Juventusit është në duar të sigurta kur luan Giorgio Chiellini.
Të gjitha ndeshjet e kampionatit i ka luajtur deri tani qendërmbrojtësi i kombëtares italiane dhe bardhezinjtë kanë mbrojtjen më të mirë të Serisë A: vetëm 14 gola të pësuar, 7 më pak se Milani i vendit të parë (kuqezinjtë kanë një ndeshje më shumë se Juventus).
Të shtunën në mbrëmje Milan do të zbresë në fushë pa Zlatan Ibrahimovic, por për Chiellinin asgjë nuk ndryshon.
“Kuqezinjtë mbeten gjithmonë të rrezikshëm sepse kanë shumë kampionë. Mungesa e Ibrahimovic nuk ndryshon gjërat. Mbeten favoritë për këtë ndeshje dhe sido që të përfundojë nuk mendoj se është përcaktuese për titullin kampion”, theksoi Chiellini.
Top Channel
