“Milan-Juventus, jo vendimtare”

Juventus ende nuk ka pësuar humbje, ndërsa Milani është rikthyer në formën e tij më të mirë. Në prag të kësaj sfide, mbrojtësi brazilian i kuqezinjve, Tiago Silva deklaroi se skuadra e tij i ka të gjitha mundësitë për të fituar ndaj bardhezinjve në këtë ndeshje edhe pse ai nuk e konsideron si vendimtare për titullin kampion.

‘Nuk është ndeshja e kësaj fundjave ajo që do të vendosë kampionatin. Janë edhe shumë ndeshje të tjera për t’u luajtur. Megjithatë pak më shumë kujdes se herët e tjera nuk do të ishte dicka negative”, tha Tiago Silva.

Mbrojtësi brazilian, më pas theksoi se tashmë Milani është kthyer në formën e tij më të mirë dhe se dëshira për të fituar sa më shumë trofe është ende e madhe.

‘Milani në këtë moment është ai i sezonit të kaluar. Pas fitores së Superkupës me Interin, menduam se do të fitonim me lehtësi edhe këtë kampionat, por futbolli nuk është kështu. Gjithsesi u rikthyem në formën më të mirë dhe jemi ende të uritur për trofe”, tha Tiago Silva në një intervistë për ‘Corriere Dello Sport”.

Top Channel