Kina: Do të investojmë ende në eurozonë
15/02/2012 08:30
Dezertori rus tregon sekretet e bazave bërthamore të Putinit: Ditën që nisi pushtimi i Ukrainës na tha se… 26/11 11:52
Kina do të vazhdojë të investojë në borxhin publik të eurozonës. Këtë gjë e ka konfirmuar guvernatori i Bankës Qendrore kineze, Zhou Xiaochuan.
Ai ka shtuar se Pekini ka besim tek euro dhe në aftësinë e pjesëtarëve të eurozonës për zgjidhjen e krizës që i ka përfshirë.
Kjo siguri vjen pak pas vizitës së presidentit të BE-së, Van Rompuy, dhe të kreut të Komisionit Europian, Barroso.
Kryeministri kinez Wen Jiabao u takua me krerët europianë dhe diskutimet u mbështetën në investimet e Kinës në fondin e dorëzanisë për të ndihmuar kombet e gjunjëzuara nga borxhi.
“Vendet me borxhe të mëdha duhet të adoptojnë politika të duhura fiskale në përputhje me situatën e tyre të brendshme. Komuniteti ndërkombëtar nga ana tjetër duhet të vazhdojë të mbështesë në mënyrë aktive përpjekjet e BE-së për t`i bërë ballë krizës”, pati deklaruar Liu Weimin, zëdhënës i Ministrisë së Jashtme kineze.
Top Channel
