“Beteja” për Amserën

Mbetet për të parë si do të reagojë familja Reka për këtë ofertë, pasi kanë marrë gjithë ndihmën e përkrahjen e institucioneve të Prishtinës. Pas ngjarjes tragjike të familjes Reka ku nga orteku i borës vdiqën 10 anëtarë, presidenca e Kosovës ndau një shumë prej 10 mijë eurosh për të vetmen të mbijetuar Amstera Reka.

Ndërkohë qeveria e vendit ka shprehur gatishmërinë e ndihmës mirëpo ende, nuk dihet nëse do të marrë përsipër rritjen e vajzës.

Megjithatë, pas ndërhyrjes së shtetit serb, për të ndihmuar Amsera Rekën del në skenë edhe Republika e Maqedonisë. Madje, kjo e fundit deklaron se,  Amstera është shtetase e Maqedonisë.  

Sipas Ministrisë së Punëve të Brendshme të Maqedonisë prindërit e të mbijetuarës janë pjesëtarë të komunitet Goran dhe shtetas të Maqedonisë. Sipas mediave maqedonase Ministria e Punëve të Jashtme po ndjek zhvillimet në Restelicë dhe nëse është e nevojshme shteti i Maqedonisë do të marrë kujdestarinë për këtë vajzë të vogël.

Nga MPJ bëjnë tëditur se në qoftë se të afërmit e saj nuk duan të kujdesen për Amserën, atëherë për të do të kujdeset Ministria maqedonase për Punë dhe Politikë Sociale.

Dje përfaqësues të Entit për prioritete kombëtare pranë MPJ-së, një përfaqësues i ambasadës në Prishtinë dhe Ismail Bojda nga shoqata e myslimanëve maqedonas e kanë vizituar fshatin ku ndodhi tragjedia e madhe.

Delegacioni i Maqedonisë u ka ofruar ndihmë autoriteteve kosovare për gjithçka që ata mendojnë se kanë nevojë. Në këtë fatkeqësi përkrah prindërve të Amserës, jetën e kanë humbur edhe dy shtetas të tjerë të Maqedonisë, njoftojnë mediat maqedonase.

Vlen të theksohet se Dragashi i Prizrenit njihet si një nga komunat më multietnike në Kosovë. Popullsinë e fshatrave të kësaj komune e përbëjnë shqiptarët, pjesëtarë të komunitetit turk, goranë, boshnjakët, etj.

Top Channel