Beckenbauer: Robben është egoist
13/02/2012 14:20
Maratona e Tiranës rikthehet me edicionin e tetë më 20 tetor, çmimet për 4.000 garues 28/09 12:49
Franz Beckenbauer, presidenti i nderit i Bayern Munchen, është shprehur se sulmuesi hollandez Arjen Robben është “egoist dhe nuk angazhohet”.
“Robben është një person shumë egoist. Kjo duket kur gëzon pas një goli që ka shënuar: ai nuk shkon të përqafojë shokun që i pasoi topin, por shkon tek tribuna për të kërkuar familjarët e tij”, ka deklaruar Beckenbauer.
“Është i gjithë ekipi që vrapon për të, por jam i bindur që nuk do të jetë gjithmonë kështu nëse ai nuk e vlerëson dhe nuk është mirënjohës për punën e shokëve”, shtoi Beckenbauer.
Ish-mbrojtësi legjendar i Bayern Munchen dhe kombëtares gjermane theksoi se mesfushori hollandez duhet të mendojë më shumë për skuadrën sepse sipas tij ai për shumë ndeshje nuk ka qenë i disponueshëm për shkak dëmtimi dhe lojtarët e tjerë kanë fituar edhe pa të.
Bavarezët renditen në vendin e dytë në Bundesligë, 2 pikë pas kryesuesve të Borussia Dortmund.
Top Channel
