Kabineti grek miraton shkurtimet e reja
11/02/2012 03:45
Vrasja e Liridona Ademajt, eksperti i Çështjeve të Sigurisë: Është liruar nga qelia njëri prej personave që shiti armën e krimit 04/05 14:12
Kabineti qeveritar grek ka miratuar masat e reja shtrënguese të kërkuara nga ana e eurozonës dhe FMN-së në këmbim të një fondi shpëtimi prej 130 miliardë eurosh.
Projektligji tani duhet të miratohet nga parlamenti grek dhe të aprovohet nga Ministrat e Financave evropianë.
Më herët pesë ministra dhanë dorëheqjen nga qeveria për këtë çështje, duke thënë se kërkesat ishin “poshtëruese”.
Sindikatat filluan një grevë 48-orëshe të premten dhe protestuesit u përleshën me policinë.
Kryeministri Lucas Papadhimos ka paralajmëruar se vendi do të përballet me “kaos ekonomik të pakontrolluar”, nëse dështon për të rënë dakord për shkurtimet e shpenzimeve dhe standartet për borxhet e saj.
“Ne nuk mund të lejojmë Greqinë të shkojë drejt falimentimit,” tha ai para kabinetit të tij, duke theksuar se kjo ishte “ora e përgjegjësisë historike”.
Sindikalistët grekë kanë paralajmeruar se do të vazhdojnë protestat deri të dielën, dita kur parlamenti grek do të votojë paketën e reformave.
Top Channel
