Sejdiu: Veriu, asnjë plan veç “Ahtisarit”

Në një fjalim përpara studentëve të Shkollës Politike të Prishtinës, Sejdiu ka theksuar se plani në fjalë ishte kompromisi i të gjithëve.

“Asnjë plan tjetër nuk duhet pranuar, pos zbatimit të Planit të Ahtisaarit për Kosovën”, ka thënë prerë ish-presidenti dhe ish-kryetari i LDK-së.

Sejdiu drejtoi Kosovën në momentet kyçe të saj, që nga negociatat e atëhershme me Serbinë nën ndërmjetësimin e Marty Ahtisarit e deri në shpalljen e pavarësisë më 17 shkurt 2008.

Më pas ai dha dorëheqjen pasi Gjykata Kushtetuese e Kosovës vlerësoi se kishte shkelur kushtetutën duke mbajtur njëkohësisht postin e presidentit dhe kryetarit të LDK-së.

Aktualisht në mediat kosovare flitet se zoti Sejdiu po planifikon të kthehet në krye të kësaj partie, duke shfrytëzuar pakënaqësitë e disa fraksioneve me kryetarin aktual Isa Mustafa.

Top Channel