Arvizu, letër familjes Nika
10/02/2012 00:00
Pas orësh ankthi, gjendet në Tiranë 15-vjeçari që kërkohej nga familja, ja si paraqitet gjendja e tij shëndetësore 30/09 22:59
Në përvjetorin e ndarjes nga jeta në një spital turk pas plagosjes, të
një prej protestuesve të 21 janarit, Aleks Nika, ambasadori Amerikan
Alexandër Arvizu i ka dërguar një letër ngushëllimi familjes së tij.
“Ju lutem pranoni ngushëllimet e mia më të sinqerta për ju dhe përsecilin prej anëtarëve të familjes suaj për humbjen e Aleksit. Ndërmjet shumë sfidave që na duhet të kapërcejmë në jetë, humbja e një personi të dashur, baba, bashkëshort, vëlla, bir është më e vështira për t’u përballuar” – thotë ambasadori Arvizu në fillim të ngushëllimit.
Kryediplomati amerikan shkruan se “në mes të trazirës që rrethoi demostratën e 21 Janarit 2011, ndërmendim humbjet njerëzore dhe dhimbjen rrënuese që familjes suaj dhe tri familjeve të tjera u është dashur të duroni”.
Ambasadori Arvizu rikujton se “SHBA i kanë mbështetur fuqimisht përpjekjet e zyrës së Prokurorisë së Përgjithshme për të zhvilluar një hetim të pavarur dhe gjithëpërfshirës, pa ndërhyrje politike, për të zbuluar dhe nxjerrë të vërtetën mbi ngjarjet e 21 janarit 2011.
Letra e ambasadorit Arvizu mbyllet me këto fjalë: “Besojmë se është e domosdoshme që ata që ishin përgjegjës të japin llogari për veprimet e tyre. Pa të vërtetën nuk mund të ketë drejtësi. Ju lutem dijeni se SHBA do të punojnë pa u lodhur për të mbështetur kauzën e drejtësisë në Shqipëri”.
Top Channel
