Serbi, dështon arratisja e vrasësit të Djindjic
08/02/2012 15:15
Analiza/ Kosova në tellallët rusë dhe nevoja për strategji efikase 24/11 18:35
Dy prej të burgosurve më të rrezikshëm në Serbi, përfshi edhe një prej atentatorëve të ish-Kryeministrit Zoran Djindjic, tentuan të arratiseshin nga burgu mëngjesin e së mërkurës.
Pesë gardianë u mbajtën peng për disa orë me armë të drejtuar mbi ta, pasi ndërhynë duke penguar në çastet e fundit largimin e Sretko Kalinic dhe Zeljko Milovanovic, të dy të dënuar për vrasje.
Të burgosurit prenë me sharrë hekurat e qelisë, morën peng disa gardianë dhe u hodhën nga dritarja, përpara se të ndaloheshin nga policë të tjerë.
Ministri i Brendshëm, Ivica Dacic, lajmëroi se janë duke u hetuar rrethanat e ngjarjes dhe mundësia që të dy të burgosurit të kenë marrë ndihmë nga jashtë.
Kalinic është duke vuajtur një dënim prej 30 vitesh heqje lirie, për rolin e tij në vrasjen e Djindjic në vitin 2003. Së bashku me Milovanovic, ai ishte pjesë e klanit famëkeq të Zemunit.
Nga ana e tij, Milovanovic është dënuar me 40 vjet heqje lirie nga një gjykatë kroate për vrasjen e dy personave. Ai vuan dënimin në Serbi si i ekstraduar.
Top Channel
