Real Madrid dhe Barcelona kanë bërë detyrën në javën e 22-të të kampionatit spanjoll të futbollit duke mundur kundërshtarët e tyre edhe pse me vështirësi.
Madrilenët kanë fituar 1-0 në fushën e vështirë të Getafes. Goli i vetëm i takimit u shënua nga mbrojtësi Sergio Ramos pas një goditjeje nga këndi në minutën e 18.
Më pas, ekipi i Mourinhos kontrolloi lojën deri në fund duke marrë tre pikë të tjera në luftën për titullin kampion.
Ndërsa Barcelona vuajti më shumë seç duhet në ndeshjen ndaj Real Sociedad në Camp Nou. Humbja e shumë rasteve para portës bëri që katalanasit të fitonin vetëm 2-1 duke vuajtur në minutat e fundit të takimit.
Tello dhe Messi ishin autorët e golave për skuadrën e drejtuar nga Pep Guardiola.
Me këto rezultate diferenca mes Real Madrid dhe Barcelonës mbetet 7 pikë.
Top Channel
