Jahjaga takon Fyle

“Përgjegjësia për të shënuar rezultate në perspektivën europiane të Kosovës qëndron së pari dhe më së shumti tek autoritetet e Kosovës”, deklaron Fyle që në fillim.

Komisioneri ka përgëzuar presidenten për nisjen e dialogut për liberalizimin e vizave, por i bën thirrje Kosovës që të bëjë pjesën e saj të punës për të garantuar lëvizjen e lirë për qytetarët, si dhe të vijojë zbatimin e reformave në fushën e rendit dhe ligjit.

Komisioni dëshmohet i gatshëm për një marrëveshje tregtare, për të cilën Kosova duhet të përgatitet për negociata, si edhe për një axhendë afatgjatë e gjithëpërfshirëse për veriun e Kosovës.

Fyle kërkon gjithashtu që vendi të vijojë dialogun me Serbinë dhe të jetë konstruktiv dhe i përkulshëm në kërkimin e një zgjidhjeje kompromisi për çështje të rëndësishme, si për shembull bashkëpunimi rajonal.

Top Channel