Kosovë, ndihmat ruse mbeten stok
03/02/2012 16:55
Zgjedhjet e parakohshme në Kosovë, ja kush janë më të votuarit për deputetë deri më tani 31/12 10:01
Ndihmat humanitare të dërguara nga presidenti rus Dmitry Medvedev për serbët, sipas tij të rrezikuar, të Kosovës kanë mbetur pa u shpërndarë.
Lajmin e bëjnë të ditur mediat serbe, sipas të cilave 27 kamionët me ndihma të dërguar nga Rusia kanë mbetur në depot e Kryqit të Kuq në Zvecan.
Kjo pasi sipas burimeve mediatike, nuk dihet se kujt duhet t’i shpërndahen këto ndihma, të cilat kanë arritur vetëm tek 2 mijë nga 8 mijë serbë “të rrezikuar” në komunat Mitrovicë, Zvecan, Leposavic e Zubin Potok.
Burime nga ambasada ruse në Beograd kanë deklaruar se ndihma e vendit të tyre u është dedikuar të gjithë banorëve të rrezikuar, pa dallim nëse jetojnë në veri apo në jug të Kosovës.
“Kryqi i Kuq është ngarkuar me detyrën e përgatitjes së listës së personave që kanë më shumë nevojë për ndihma dhe që të shmangë abuzimet”, kanë deklaruar burimet diplomatike.
Top Channel
Zgjedhjet e parakohshme në Kosovë, ja kush janë më të votuarit për deputetë deri më tani 
