Ndahet nga jeta Etta James

James do të mbahet mend për këngët e saj soul, rhythm ‘n’ blues dhe jazz.

Këngëtarja ndërroi jetë në një spital në Kaliforni, ku ishte shtruar prej disa ditësh pasi u diagnostikua me leucemi në fillim të vitit 2011.

E lindur në Los Angeles, bijë e një nëne me ngjyrë dhe një babai të bardhë, i cili më pas i braktisi, Etta James gjatë gjithë jetës ndjeu “peshën” e diversitetit të saj.

Vec muzikës dhe zërit të mrekullueshëm, emocioneve që u fali mijëra fansave, jeta e saj u shoqërua nga alkooli dhe droga, që shpesh i rrezikuan jetën, por dhe vendosën disa herë përballë me ligjin.

Karriera e saj do të niste në vitin 1950, kur ishte vetëm 14 vjec dhe kënga e parë do të ishte “The Creolettes”, kënduar bashkë me dy këngëtare të tjera. Suksesi i vërtetë i saj do të mbërrinte në vitin 1961, me “At Last”, një këngë blues për të ardhur më pas tek “Tell Mama”, një këngë tepër e famshme që u riprodhua në vitet në vazhdim nga shumë artistë të tjerë.

Etta James fitoi 4 Gremi Awards, 17 Cmime për Muzikën Blues dhe ishte përfshirë në Rock and Roll Hall of Fame në vitin 1993. Një prej këngëve të saj më të famshme është “At Last”.

Top Channel