Serbi, grevë e forcave të policisë
12/12/2011 21:40
Përplasja me RMV, Mitsotakis mesazh paralajmërues: Qeveria e Shkupit duhet të përdorë vetëm emrin Maqedonia e Veriut 18/05 14:59
Një pjesë e madhe e agjentëve të policisë në Serbi kanë mbajtur sot një grevë duke kërkuar rroga dhe kushte më të mira pune.
Lajmin e bëjnë të ditur agjencitë serbe, të cilat nuk janë në gjendje të japin numrin e saktë të policëve që kanë bojkotuar punën.
Ky veprim nga ana e forcave të rendit ka shkaktuar radhë të gjata në pikat kufitare, ku policët kanë qenë të pranishëm, por kanë punuar me ritme të ngadalta.
Sindikata e policisë kishte marrë vendimin për të mbajtur këtë grevë, e treta e këtij viti nga ky sektor, pas dështimit të bisedimeve me përfaqësues të qeverisë.
Ndërsa bojkoti i punës nga agjentët e policisë rrugore ka shkaktuar në Beograd, por edhe në qytete të tjera të vendit, një kaos të paimagjinueshëm në trafik.
Top Channel
