Clooney: Aktrimi nuk është punë e vështirë
07/12/2011 11:25
Nga planet për fëmijë tek… Shqipja dhe Bledi flasin si burrë dhe grua! Kush thotë më shumë ‘të dua’? 25/11 11:05
George Clooney ka sulmuar kolegët e tij hollivudianë të cilët qahen për punën e vështirë që bëjnë.
“Të shisje sigurime derë më derë ishte punë e vështirë. Aktrimi nuk është aspak i vështirë. Ne jemi me fat që jemi në botën e kinematografisë dhe nuk duhet të qahemi për punën tonë”, u shpreh aktori amerikan për revistën ‘Hollywood Reporter’.
50-vjeçari shtoi: “Kam njohur shumë aktorë të rinj të talentuar që u është dhënë mundësia kështu që nuk ka vend për ankesa. Puna jonë është paksa me orar të zgjatur, por jo e vështirë.”
“Unë e shoh si një sfidë punën që bëj dhe ka shumë raste që nuk e bëj mirë, por kjo nuk do të thotë se është e vështirë”, theksoi Clooney.
George Clooney është një kandidat i fortë për fitimin e çmimit Oscar për interpretimin e tij në filmin ‘The Descendants’.
Top Channel
