Bullgaria tërhiqet nga naftësjellësi
07/12/2011 17:15
Vrau 14 vjeçaren dhe një të moshuar, ekstradohet nga Turqia i dyshuari kryesor për ngjarjen që tronditi Shkupin 15/05 21:32
Qeveria e Bullgarisë njoftoi të mërkurën se është tërhequr nga një projekt për ndërtimin e një naftësjellësi, të mbështetur kryesisht nga Rusia.
Ministri bullgar i Financave, Simeon Djankov deklaroi se vendi i tij dëshiron të anulojë pjesëmarrjen në këtë projekt.
Djankov tha se, Bullgaria është gati të paguajë 8.2 milionë dollarë, që është dhe detyrimi i saj ndaj projektit të naftësjellësit Transballkan.
Naftësjellësi në fjalë, që është 51 për qind në pronësi të Rusisë, synon të sjellë naftën në Evropë nga një rrugë që shmang ngushticat e Bosforit.
Vendimi i Bullgarisë përbën një pengesë të madhe për projektin, duke qenë se parashikon transportin e naftës ruse në Detin e Zi përmes portit Burgas të Bullgarisë, për furnizimin e sistemit të tubacioneve në Greqi.
Top Channel
