Alessandro Nesta, qendërmbrojtësi i Milanit, do të qëndrojë 1 muaj larg fushave për shkak të dëmtimit që pësoi të mërkurën ndaj Barcelonës.
Analizat mjekësore kanë përcaktuar se futbollisti italian ka pësuar një dëmtim muskular në kofshën e këmbës së djathtë dhe do të qëndrojë 30 ditë pushim. Lajmi është bërë i ditur në faqen zyrtare të AC Milan.
Në këtë mënyrë, në ndeshjen e së dielës ndaj Chievo, Daniele Bonera do të jetë ai që do zëvendësojë 34-vjeçarin, por nuk përjashtohet edhe debutimi si titullar i francezit Philippe Mexes.
Me Nestën shkon në katër numri i futbollistëve të dëmtuar të Milanit. Mathieu Flamini, Antonio Cassano dhe Gennaro Gattuso janë lojtarët e tjerë të infermierisë kuqezi.
Top Channel
