Një heroinë për filmin e ri të “Pixar”

Këtë herë në qendër të filmit është një princeshë, Merida, një harkëtare e pagabueshme që jeton në malet e Skocisë.

Merida është e bija e mbretit Fergus dhe mbretëreshës Elinor. E vendosur për të ecur në jetë, ajo sfidon një zakon antik, i konsideruar i shenjtë nga perënditë e tokës, Lord MacGuffin, Lord Macintosh dhe Lord Dingwall.

Veprimet e princeshës shkaktojnë pa dëshirën e saj një kaos dhe një tërbim të madh në mbrëtëri. Atëherë vajza i kërkon ndihmë një shtrige të vjetër, që i jep mundësinë të realizojë dëshirën e saj.

Por dhurata e shtrigës do të rezultojë fatale dhe vetëm atëherë Merida do të mbështetet tek kurajoja e saj dhe do të arrijë të mposhtë mallkimin e tmerrshëm.

“Brave” është një aventurë plot ndjenja, e mbushur me personazhe të paharrueshme dhe e karakterizuar nga humori tipik i “Pixar”, për një publik për të gjitha moshat.

Top Channel