Festa e Pavarësisë në Britani

Lutfi Vata, kryetar i Forumit të Shoqatave Shqiptare në Britani, organizatori i aktivitetit tha për Top-Channel se “gjëja më impresionuese dhe ajo që na bën me krenar në këtë përvjetor është konsolidimi i ruajtjes së gjuhës shqipe dhe traditave kulturore dhe shpirtërore të shqiptarëve të Britanisë që ja kalojnë këto vlera fëmijëve të tyre të lindur e të rritur jashtë vendlindjes.

Jashtë kortezisë së rastit përfaqësuesit e pushtetit lokal të superlagjeve të Londrës vlerësuan rolin pozitiv dhe kontributin e komuniteitit shqiptar në Londër dhe në mbarë vendin, përkundër imazhit jo pozitiv në media, për paqen dhe harmoninë sociale, ku asnjë pjesëtar i komunitetit shqiptar nuk u raportua zyrtarisht si pjesëmarres i trazirave të fundit në Londër përpara disa muajsh, sic ndodhi me disa komunitetete të tjera.

Ky është aktiviteti më i madh për Diten e Pavarësisë në Britani nga komuniteti, ndërkohë që ambasada shqiptare këtë vit do të organizojë një pritje zyrtare me rastin e pavarësisë, ndryshe nga vitet i kaluar, kur nuk u zhvillua një aktivitet i tille në afro dy dekada të përfaqësimit diplomatik në Britani.

Ndërkohe cuditërisht edhe pse kanë kaluar disa muaj nga largimi i ish-ambasadorit shqiptar në Londër Zef Mazi, ambasada shqiptare ende nuk ka titullar, por përfaqësohet nga e ngarkuara me punë në Britani, në një nga qendrat më të mëdha vendimmarrëse politike dhe diplomatike ndërkombëtare.

Top Channel