Shkupi: Do heqim bllokadën ndaj Kosovës
19/11/2011 18:40
“Kapje e qartë e Preshevës nga Vuçiç”, ish-kryekomunari Arifi kritika Ragmi Mustafës: Ndaloi projektin e financuar nga Tirana për ndërtimin e shkollës fillore 02/05 19:01
Qeveria maqedonase pritet të anulojë ditën e diel vendimin për bllokimin e importit të miellit nga Kosova, i marrë në muajin gusht për të favorizuar biznesin vendas.
Lajmin e bën të ditur “REL”, që citon ministrin maqedonas të Ekonomisë, Valon Saracini.
“Në mbledhjen e ardhshme të qeverisë, që do të mbahet të dielën, besoj se do të vendosim ndërprerjen e kësaj mase, me qëllim ruajtjen e marrëdhënieve të mira me Kosovën”, ka deklaruar Saracini.
Njoftimi i ministrit maqedonas vjen pas paralajmërimeve të qeverisë kosovare për aplikimin e masave reciproke ndaj Maqedonisë nëse do të vazhdohet me këtë vendim.
Autoritetet dhe bizneset kosovare e kanë vlerësuar si të padrejtë këtë vendim të Shkupit zyrtar, i cili sipas tyre bie ndesh me marrëveshjen për tregtinë e lirë mes dy vendeve.
Gjithashtu, vlerësohet se zbatimi i kësaj mase u ka shkaktuar bizneseve kosovare humbje që arrijnë në 1 milion euro.
Ndërsa për Maqedoninë, Kosova është një treg tepër i rëndësishëm, pasi nga qarkullimi i mallrave të saj arrihen fitime deri në 400 milionë euro në vit.
Top Channel
