Gaga-Adele, luftë në “Twitter”

Për momentin, duket se londinezja e ka lënë prapa këngëtaren amerikane të pop-it. Kaq ka mjaftuar që fansat e “Lady Gaga”-s, të njohur ndryshe si “përbindëshat e vegjël”, të hidhen në sulm.

Subjekti i tyre i preferuar: pesha e Adeles. Rrjeti social “Tëiter” është mbushur me shaka mizore. Njëra nga populloret është kjo: “U konfirmua që gaga nuk do ta veshë kostumin e saj me copa mishi sepse ka frikë mos ia kullufit Adele”.

Video qesendisëse shoqerojnë mesazhet, me në qendër një këngetare të rreme që hiqet si britanikja e përsërit: Jam viktimë e fatit tim, me këtë peshë kam lindur.

Spiralja e talljeve u shtua akoma më shumë pas lajmit se Adele ka anulluar koncertet e fundit për shkak të një operacioni në laring. Adhuruesit e “Lady Gaga”-s thonë se anullimet në fakt kishin të bënin me mosshitjen e biletave, sepse do t’u mbeteshin sallat bosh.

Megjithatë, bashkëpunetoret e “Lady Gagës” thonë se ajo nuk pajtohet me fushatën e talljeve dhe se këtë situatë mund ta kenë krijuar vetëm një grusht fansash, jo të gjithë.

Në Britani, veprime të tilla po përkthehen si frikë e pastër nga rritja e fuqise së këngëtares britanike, albumi 21-të i së cilës vazhdon të mbetet në listën e pesë më të mirevë në SHBA edhe pas 37 javësh. Deri tani, në mbarë botën janë shitur më shumë se 10 milionë kopie të albumit.

Top Channel