FMN: Kosova, e paprekur nga kriza e euros
14/11/2011 21:20
“Kapje e qartë e Preshevës nga Vuçiç”, ish-kryekomunari Arifi kritika Ragmi Mustafës: Ndaloi projektin e financuar nga Tirana për ndërtimin e shkollës fillore 02/05 19:01
Fondi Monetar Ndërkombëtar vlerëson se afrimi i kufizuar i Kosovës në tregjet globale e ka mbrojtur atë nga trazirat financiare në krizën e eurozonës, edhe pse monedhë zyrtare ka euron.
Në një njoftim të publikuar në faqen zyrtare të internetit, FMN nënvizon se, Kosova në masë të madhe mbetet e paprekur nga turbolenca financiare që ka përfshirë hapësirën e euros.
“Dhe kjo ka ndodhur për shkak të integrimit të kufizuar në tregjet financiare globale”, thuhet në njoftimin online të FMN-së.
Megjithatë, FMN paralajmëron se, duke qenë se një pjesë e mirë e të ardhurave për kosovarët vijnë nga emigracioni, ato rrjedhimisht do të pësojnë një tkurrje.
“Rimëkëmbja e vështirë e ekonomisë në zonën euro mund të ndikojë negativisht tek remitancat dhe investimet e jashtme”, vlerësohet në web site-n e FMN-së.
Më tej institucioni ndërkombëtar komenton edhe privatizimin e PTK-së, proces që sipas tij do të përsëritet edhe pse disa kërkesa u tërhoqën për shkak të dyshimeve të misionit EULEX për korrupsion.
Top Channel
