Serbët e veriut, letër Putin

Ata i janë drejtuar të ashtuquajturit ministër për Kosovën, Goran Bogdanovic, me lutjen që të ndihmojë ekzistencën e popullit serb në Kosovë.

Madje, ata kanë bërë të ditur se një kërkesë të tillë do t’ia drejtojnë edhe kryeministrit rus Vladimir Putin.

Ata kanë kundërshtuar sërish praninë e doganierëve dhe të policëve shqiptarë në pikat doganore.

Kryekomunarët ilegalë kanë premtuar rezistencë paqësore, por nga ana tjetër kanë kërcënuar se kurrë nuk do të lejojnë ngritjen e kufijve në Jarinje e Bërnjak.

Qeveria e Serbisë është duke përgatitur një dokument që do t’ia sugjerojë Kuvendit lidhur me veprimet për Kosovën dhe qetësimin e situatës në veri.

Por, dokumenti ende nuk i është dorëzuar Këshillit parlamentar për Kosovën, që ka mbetur i bllokuar dhe është kthyer në qendër të vëmendjes për shkak të raporteve të ndryshme dhe fshehjes së tyre.

Pas kësaj do të duhet të caktohet një seancë e Kuvendit të Serbisë për Kosovën, pasi Parlamenti vazhdon të bojkotohet nga partitë opozitare, përvec Partisë Radikale, për shkak të pamundësisë për të diskutuar për temën e Kosovës pas akuzave se janë falsifikuar raportet për veriun.

Serbia ka miratuar disa rezoluta dhe akte që nga shpallja e pavarësisë së Kosovës dhe disa herë janë miratuar e hartuar plane të veprimit në kohë krizash, por që më pas nuk janë treguar se kanë pasur ndonjë veprim të veçantë.

Top Channel