Hagë, 18 muaj burg për Vojisllav Sheshel
31/10/2011 16:10
Dy vrasje në katër ditë! Reagimet pas vrasjes së gruas në Pejë: Shpallni gjendje emergjente! Në 10 vite 56 gra janë vrarë në Kosovë
16/04 15:07
Gjykata për krimet e luftës në ish-Jugosllavi ka dënuar me 18 muaj burg ultranacionalistin serb Vojisllav Sheshel, për shpërfillje të trupit gjykues.
Sipas mediave ballkanase, gjatë procesit që po zhvillohet ndaj tij, Sheshel ka publikuar emrat e dëshmitarëve të mbrojtur, të cilët ai i ka shkruar në ditarin e tij.
Megjithatë, dënimi në fjalë duket se nuk e ka tronditur shumë Sheshel, i cili ndodhet në Hagë që prej vitit 2003.
Ai akuzohet për angazhimin e grupeve paraushtarake serbe, të cilat kanë kryer krime dhe akte barbare ndaj popullsive joserbe.
Dënimi i së hënës me 18 muaj burg është i dyti që i jepet ish-zyrtarit serb për shpërfillje të trupit gjykues, me qëllim cënimin e besueshmërisë së dëshmitarëve.
“Veprimet e Sheshel mund të dekurajojnë dëshmitarët në dhënien e dëshmive, si dhe të cënojnë besimin e tyre tek gjykata, për t’u garantuar një mbrojtje efikase”, thuhet në vendimin e trupit gjykues.
Top Channel
