Obama përkrah veprimet e KFOR-it në veri
25/10/2011 18:40
Ngjarje e rëndë në Kosovë, tre të plagosur me armë zjarri dhe një tjetër me thikë 01/05 17:18
Presidenti Barack Obama dhe Sekretari Amerikan i Mbrojtjes, Leon Panetta janë informuar për trazirat në veri të Kosovës dhe reagimin profesional të ushtarëve amerikanë.
Këtë e deklaroi gjenerali amerikan, Craig R. McKinley, i cili vizitoi kampin “Bondsteel” në Kosovë. Gjenerali ka sjellë përkrahjen e Obamës për përpjekjet e KFOR-it në veri, njofton agjencia e lajmeve “Kosovatimes”.
“Lajmet për trazirat në veri të Kosovës dhe përgjigja profesionale e forcave të SHBA-ve kanë arritur deri te Sekretari i Mbrojtjes dhe Presidenti i SHBA-ve”, u ka thënë ushtarëve amerikanë në kampin “Bondsteel”, gjenerali McKinley.
Ai ka shtuar se krerët e forcave të armatosura amerikane dhe Presidenti Barack Obama janë të kënaqur me punën e KFOR-it dhe kanë shprehur përkrahje për përpjekjet e forcave paqeruajtëse në Veri.
“Ata të gjithë janë të kënaqur me mënyrën me të cilën ushtarët kanë reaguar dhe kanë shprehur përkrahjen e tyre për përpjekjet e KFOR-it për uljen e tensioneve dhe kërcënimeve ndaj sigurisë”, ka thënë McKinley.
Top Channel
