Një përmbysje e pabesueshme e rezultatit ndaj Lecce i jep tre pikët Milanit në javën e tetë të Serisë A.
Kuqezinjtë fitojnë 3-4 pasi mbyllën pjesën e parë në disavantazhin 3-0 në transfertë falë një tregolëshi të Kevin Prince Boateng dhe golit të Mario Yepes.
Giacomazzi, Oddo (me 11-metërsh) dhe Grosmuller shënuan të parët për verdhekuqtë, por futja në pjesën e dytë e mesfushorit ganez, që zëvendësoi Robinhon, ndërroi tërësisht ndeshjen e Milanit.
Boateng shënoi 3 gola në minutat 49, 55 dhe 63 duke barazuar rezultatin. Në minutën e 83 vjen goli i fitores për kuqezinjtë i shënuar nga mbrojtësi Mario Yepes pas një krosimi të Cassanos.
Milan me këtë triumf arrin kuotën e 11 pikëve në renditjen e Serisë A.
Udinezee vetme në krye
Udineze ka marrë e vetem kryesimin e Serisë A, pas së pastër, 3 me zero përballë Novarës.
Golat për friulianët, që e shohin veten në kuotën e 15 pikëve, 2 më shumë se Juventusi i vendit të dytë, u shënuan nga Di Natale, 33’, 50’ dhe Domizi në të 77-n.
Ndërkohë, në San Siro, një gol i Tiago Motës në minutën e 34 të pjesës së parë, i ka mjaftuar Interit për të marrë 3 pikë me mjaft vlerë përballë Kievos, pikë këto që i ngjisin zikaltërit në kuotën e 7 pikëve.
Po 1-0 ka fituar edhe Roma në Olimpiko përballë Palermos. Goli për verdhekuqtë që ngjiten në 11 pikë, u shënua nga Erik Lamela që në minutën e 8 të takimit.
Në ndeshjet e tjera, Napoli nuk shkoi dot më shumë se një barazim në transfertë përballë Kaljarit, Siena mposhti Cezenën 2-0, ndërsa Atalanta merr një tjetër fitore, këtë herë në transfertë përballë Parmës.
Në mbrëmje luhet Bolonja-Lacio, që mbyll javën e Serisë A.
Top Channel
