Claudio Ranieri, trajneri i Interit, ka festuar ditëlindjen e tij të 60 ditën e sotme në një ambjent të gëzueshëm mes futbollistëve edhe për shkak të fitores që klubi italian arriti ndaj Lilës në Ligën e Kampioneve.
Duke folur për televizionin zyrtar të Interit, Ranieri tha: “Fitorja në Francë ishte e rëndësishme për vetëbesimin e futbollistëve. Tani duhet të vazhdojmë rrugën që nisëm në Champions dhe të fitojmë ndaj Chievos. Do të jetë një ndeshje e vështirë.”
Tekniku italian ka theksuar se çelësi i ringjalljes së Interit është besimi: “Jam i bindur që ky ekip mund të luftojë me të gjithë si i barabartë, por për këtë duhet të jenë të bindur edhe lojtarët.”
“Mendoj se gjëja më e rëndësishme në futboll është pasioni. Edhe pse në Itali futbolli është një profesion stresues duhet të kthejmë dëshirën për të luajtur dhe për tu argëtuar në fushë”, shtoi Ranieri.
Top Channel
