Sheen-Richards, të divorcuarit e lumtur

Në hyrje të një restoranti italian në Nju Jork, ku fotografët prisnin, Charlie u pa duke i hedhur krahun Richards, në atë që ishte një ndienjë e dukshme afeksioni.

Vetëm dy muaj më parë, Denise birësoi një vajzë të tretë, të quajtur sipas emrit të nënës së saj, Eloise dhe Sheen e ka mbështetur hapur në publik vendimin e ish-bashkëshortes së tij.

Nga ana e saj, protagonistja në një prej serive të “James Bond”, iu përgjigj kësaj ngrohje relative të marrëdhënieve duke marrë me vete vajzat, për të parë një ndeshje futbolli në të cilën babai i tyre ishte duke luajtur.

I përfshirë së fundi në një spirale skandalesh, midis të cilave marrëdhënia e poligamisë me dy vajza njëkohësisht dhe përdorimi i vazhdueshëm i lëndëve narkotike, Charlie po planifikon ndërkohë rikthimin e tij të bujshëm në botën e kinematografisë, në një serial të ri.

Në fakt, ai është renditur si aktori më i paguar i televizioneve nga revista “Forbes”, edhe pse gjatë të gjithë vitit ka qenë i papunë. Në periudhën nga maji 2010 në maj 2011, ai ka përfituar plot 40 milion dollarë, vetëm nga përqindjet e tij mbi spektaklet në të cilat ka marrë pjesë.

Top Channel