Policia në Tunizi përdori gazlotsjellës për të shpërndarë një turmë prej
qindra fanatikësh islamikë në qendër të kryeqytetit, në një protestë
gjatë pasdites.
Një prej vatrave të protestave u regjistrua pranë studiove të një televizioni privat, i cili shkaktoi tërbimin e muslimanëve, duke transmetuar një film të animuar, në të cilin shfaqeshin imazhe të Zotit, një blasfmi kjo sipas fesë islame.
Kjo ishte protesta e dytë e javës në hyrjen e studiove të “Nessma TV”, ndërsa disa prej antarëve të manifestimit nisën të qëllonin me gurë drejt fasadës së televizionit. Reagimi i tyre ndodhi pas transmetimit të një filmi të quajtur “Persepolis”, i cili pasqyron ngjarjet e ndodhura gjatë revolucionit iranian të vitit 1979.
Momenti i këtyre protestave është veçanërisht i keq për autoritetet e përkohshme të shtetit, që përgatitet javën e ardhshme për realizimin e zgjedhjeve të para që prej largimit të presidentit Ben Ali, më parë gjatë vitit, pas protestave që shënuan edhe fillimin e lëvizjes së quajtur si “Pranvera Arabe”.
Top Channel
