Borxhi i qeverisë përballet këtë vit me tre skenarë që varen direkt nga ecuria e ekonomisë.

Zyrtarisht këtë vit qeveria parashikon që rritja ekonomike e vendit të jetë 5 për qind. Sipas këtij varianti, borxhi publik i vendit shkon në fund të vitit në 59.4 për qind të prodhimit kombëtar.

Por ky është skenari me optimist krahasuar me dy të tjerët. Dy ditë më parë, Fondi Monetar Ndërkombëtar vlerësoi se rritja ekonomike mund të jetë dy herë më e ulët se sa ajo që thotë qeveria, vetëm 2.5 për qind.

Nëse vërtetohet ky parashikim, atëherë borxhi publik i Shqipërisë për herë të parë që nga viti 2005 e tejkalon kufirin maksimal prej 60 për qind që ka vendosur Parlamenti me ligj.

Këto janë dy skenarët që lëvizin në ekstrem, që bazohen mbi parashikimet optimiste të qeverisë dhe ato konservatore të FMN.

Ka edhe një skenar të tretë, që në kushtet aktuale duket si më i mundshmi dhe që është ai i Bankës së Shqipërisë. Banka qëndrore vlerëson se rritja ekonomike e vendit në 2011 do të jetë në të njëtat ritme si vitin e kaluar, rreth kufirit 3.4 për qind.

Me këtë skenar borxhi i qeverisë shkon në 59.8 për qind, në limitet e kufirit ligjor. Më shumë gjasa borxhi i qeverisë do të jetë këtë vit më i lartë se sa shifra zyrtare e buxhetit.

Rritja e ulët ekonomike e ka bërë më të vështirë mbajtjen e detyrimeve të qeverisë nën kontroll, duke i vërtitur ato rrezikshëm në kufirin maksimal të 60 për qindëshit.

Kjo situatë po e detyron qeverinë që në muajt e fundit të ulë shpenzimet, duke goditur më fort investimet publike. Në muajin gusht, për të kompensuar rënien e të ardhurave, qeveria investoi në ekonomi dy herë më pak nga sa kishte parashikuar në buxhet.

Skenari i një rritjeje më të ulët ekonomike dhe ecurisë së dobët të të ardhurave mund të imponojë shkurtime edhe më të mëdha të investimeve muajt e ardhshëm, dhe ashtu sikur ka ndodhur vitet e tjera, sektorët që goditen më shumë janë gjithmonë arsimi dhe shëndetësia.

Top Channel

Top Channel/ Tensionet ruso-ukrainase, drejt Detit të Zi nisen luftanije britanike
Top Channel/ NASA teston helikopterin e parë në Mars
Top News – Parandalohet vrasja e çiftit/ Policia e Tiranës jep detajet se si nisi konflikti
Top News – Shpërthimi me eksploziv/ Fushë Krujë, policia shoqërohen disa të dyshuar
Rusia dëboi nga vendi 20 diplomatë cekë të cilët janë urdhëruar të largohen, si masë shpaguese ndaj largimit që republika ceke i bëri të shtunën 18 diplomatëve rusë. Vendimi i Pragës erdhi pas një hetimi që tregoi pas shpërthimit të një depoje municionesh në Ceki, qëndronte Moska. Kjo e fundit i dha diplomatëve çekë një ditë kohë për t’u larguar, ndërsa Praga u dha rusëve 48 orë. Ministria e Jashtme ruse e cilësoi vendimin e çekëve si “të pashembullt” dhe si “akt armiqësor”. “Me dëshirën për të kënaqur Shtetet e Bashkuara, pas sanksioneve të fundit të SHBA-së kundër Rusisë, autoritetet çeke madje i tejkaluan udhëzuesit e tyre”, thuhej në një deklaratë të saj, ku cilësoheshn si të pabaza dhe absurde pretendimet e çekëve se diplomatët rusë janë operativë të inteligjencës. Shtetet e Bashkuara thanë se qëndrojnë krah Republikës Çeke lidhur me vendimin për të dëbuar diplomatët rusë. “SHBA qëndron me Republikën Çeke në përgjigjen e saj të vendosur kundër veprimeve keqdashëse të Rusisë në tokën e çeke”, shkruante zëdhënësi i Departamentit të Shtetit Ned Price në Twitter. “Ne duhet të veprojmë në mënyrë të vendosur në përgjigje të veprimeve ruse që vënë në rrezik integritetin territorial, sigurinë energjitike ose infrastrukturën kritike të aleatëve dhe partnerëve tanë”, shtoi ai. Cekia sqaroi se ka informuar aleatët e NATO-s dhe Bashkimit Evropian në lidhje me përfshirjen e dyshuar ruse në një shpërthim depoje municionesh në vitin 2014 dhe çështja do të trajtohet në një takim të ministrave të jashtëm të BE-së.
Top Channel/ SHBA kërcënon Rusinë, “ Po vdiq Navalny, do të ketë pasoja”