LDK akuza qeverisë për KEK-un
18/09/2011 19:00
“Rikthehet” Gjukanovic, partia e tij fiton në Podgoricë, zbrapsen pro-serbët
30/09 14:28
Qytetarët e Kosovës po paguajnë dy herë faturat e energjisë elektrike. Konstatimi vjen nga partia më e madhe opozitare në Kosovë, Lidhja Demokratike.
Në një konferencë për shtyp, Grupi i Ekspertëve të Ekonomisë i kësaj partie, duke vlerësuar punën gjashtëmujore të Qeverisë së Kosovës ka ngritur një sërë shqetësimesh lidhur me thellimin e krizës ekonomike.
Ata kritikuan KEK-un, se pikërisht me afrimin e stinës së ftohtë po bën remonte në termocentrale dhe se me keqmenaxhimin që po i bëhet kompanisë, ajo po shkon padyshim në kolaps total.
Nga ana tjetër taksat e qytetarëve që e kanë paguar njëherë KEK-un, nga buxheti po derdhen gjithashtu për të mbuluar rrjedhjet financiare dhe teknike të kësaj kompanie. Përvecse kjo situatë dëmton edhe bizneset duke rritur kostot, vlerësojnë ekspertët e LDK-së, kriza do të cojë edhe në reduktime të energjisë.
Një tjetër shqetësim i grupit të ekspertëve të ekonomisë së LDK-së është edhe buxheti i Kosovës, i cili sipas tyre është miratuar duke u bazuar në të ardhura të pasigurta dhe si i tillë nuk mund të jetë i qendrueshëm.
Drejtuesi i këtij grupi, Abdullah Hoti kritikoi edhe për vonesat në kompletimin e kabinetit qeveritar dhe për zgjedhjen e fundit, që sipas tij po tregon se ky është një koalicion pa program.
Top Channel
