Kriza financiare përcan BQE-në
10/09/2011 03:00
Trump kritikon ashpër kongresmenen republikane, presidenti: Shoh një grua të çmendur që vetëm ankohet 15/11 09:45
Masat që duhen ndërmarrë për të ndihmuar disa vende të eurozonës që janë prekur nga kriza financiare, ka përcarë komitetin ekzekutiv të Bankës Qendrore Europiane.
Anëtari gjerman i këtij komiteti, Jurgen Stark, njeriu kyç i politikave ekonomike të BQE-së, ka dhënë dorëheqjen pas kundërshtive të forta që kishte në lidhje planin që parashikonte blerjen e borxhit të vendeve në rrezik.
Edhe pse në njoftimin zyrtar të BQE-së thuhet se Stark është larguar për motive personale, të gjithë shprehen të sigurtë se largimi i tij është i gjithi i lidhur me planin e shpëtimit të vendeve në krizë të eurozonës.
Dorëheqja e tij tronditi bursat me frikën se dorëheqja e Stark është shenjë se Gjermania do t’i thotë jo planit të shpëtimit të vendeve në krizë, duke i qendruar mendimit të disa ekonomistëve “se punëtorët gjermanë s’kanë pse të paguajnë për faj të peshkatarit grek”.
Kreu i BQE-së, Jean Claaude-Trichet falenderoi Stark për punën e kryer gjithë këto vite në BQE. Falenderime Stark mori edhe nga kancelarja gjermane, Angela Merkel. Zv/ministri i Financave, Jorg Asmusen do të zëvendësojë Stark në postin e anëtarit të Komiteti Ekzekutiv të BQE-së.
Top Channel
