Siri, vazhdojnë masakrat
08/09/2011 00:45
Forcat izraelite bombardojnë Libanin, raportohet për dhjetëra të vdekur e të plagosur 24/11 22:56
Të tjera viktima nga përleshjet mes forcave të sigurisë dhe protestuesve në Siri. 21 person humbën jetën në qytetin e Homsit në ditën kur Damasku po vizitohej nga kreu i Lidhjes Arabe.
Lajmi njoftohet nga aktivistët sirianë për të drejtat e njeriut të cilët thonë se ushtria dhe forcat e tjera të sigurisë vazhdojnë të qëllojnë me armë zjarri ndaj turmave të protestuesve.
Ndërkohë, media shtetërore flet për banda terroriste ndaj të cilave po lufton ushtria dhe policia në disa qytete të vendit.
Damasku mund t’i nënshtrohet sanksioneve shtesë nëse nuk ndal dhunën ndaj civilëve. Ky ishte paralajmërimi i radhës nga Franca. Ministri i Jashtëm francez, Juppe, nga Moska ku ndodhet për vizitë, akuzoi presidentin sirian, Basha al Assad për krime kundër njerëzimit. Megjithatë, kërcënimet perëndimore për sanksione ndeshin në bllokadën ruse. Moska vazhdon të mbajë qendrimin e saj fillestar për të mos vendosur sanksione kundër Sirisë.
Top Channel
