SHBA, republikanët “përleshen” në debat

Guvernatori i Teksasit, Rick Perry, i ri në grupin e debatit, është “përleshur” me ish-guvernatorin e Masacusetsit, Mitt Romney mbi shifrat e vendeve të reja të punës.

Kongresmenia Michele Bachmann rishprehu bindjen e saj se politika e presidentit Barack Obama për shëndetësinë është një “vrasëse e vendeve të punës”.

Edhe zoti Perry e quajti paketën e pensioneve dhe sigurimit social si një skemë “ponzi”.

Në debat morën gjithashtu pjesë ish-guvernatori i Jutah, Jon Huntsman, biznesmeni Herman Cain, kongresmeni Ron Paul, ish-kryetari i Dhomës së Përfaqësuesve Net Gingrich dhe ish-senatori i Pensilvanisë, Rick Santorum.

Debati ka qenë i pari i tre debateve të programuara në javët e ardhshme dhe analistët thonë se terreni për republikanët do të ngushtohet në muajt e ardhshëm.

Garuesit kryesorë, zoti Perry dhe zoti Romney, dominuan pjesën e parë të debatit, gjatë të cilit shkëmbyen replika.

Perry, një konservator i sertë që është bashkuar me grupin e kandidatëve kur hyri në garë, e vuri theksin tek numri rekord i vendeve të punës të krijuara gjatë qeverisjes së tij 10-vjecare të Teksasit.

Ndërsa zoti Romney, i cili i referohet eksperiencës së tij në sektorin privat, zbuloi planin e tij për rimëkëmbjen e ekonomisë amerikane.

Top Channel