Japoni, tajfuni “Talas†shkatërron vendin
04/09/2011 13:25
Mijëra migrantë me azil të refuzuar morën para për të ikur nga Gjermania 24/11 09:11
Të paktën 18 persona kanë mbetur të vrarë dhe mbi 50 të tjerë konsiderohen të zhdukur pasi tajfuni i fuqishëm “Talas” përshkoi perëndimin e Japonisë.
Stuhia solli shira të dendura dhe erëra të forta që shkonin deri në 108 kilometra në ofër, pasi u përplas në ishullin Shikoku ditën e shtunë.
“Talas” po lëviz tani në pjesën tjetër të Japonisë dhe drejt detit japonez, ka bërë të ditur sot Agjencia Japoneze e Meteorologjisë.
Por agjencia ka paralajmëruar gjithashtu se se shirat e dendura dhe erërat e forta do të vazhdojnë, duke ngritur kërcënimet për përmbytje dhe rrëshqitje toke.
Rreth 500 mijë banorë, pjesërisht nga perëndimi dhe qendra e Japonisë, janë urdhëruar të largohen nga banesat e tyre, bën të ditur agjencia e lajmeve “Kyodo News”.
Disa nga zonat më të goditura duket se janë prefekturat Nara dhe Uakajama, me shtëpi që janë rrafshuar nga përmbytjet dhe rrëshqitjet e tokës.
Pas tërmetit dhe tsunamit të 11 marsit, që shkaktoi dhe krizën bërthamore në Fukushima, duket se japonia po vuan një tjetër makth natyror.
Top Channel
