Gadafi: Shkatërroni vendin

“Vazhdoni të luftoni edhe nëse nuk luftoni zërin tim. Fiset e Bani Walid dhe Sirte janë të armatosura dhe është e pamundur t’i nënshtrosh”, ka deklaruar Koloneli.

I plotë mesazhi do të transmetohet nga televizioni “al Rai”, me bazë në Damask, siç bën të ditur kanali satelitor “Al Arabiya”.

Gadafi sulmon NATO: Solli luftën civile

Ish-lideri i Libisë, Muamar Gadafi nëpërmjet një mesazhi të dytë zanor të shpërndarë vetëm pak orë pas të parit, ka akuzuar NATO-n dhe vendet perëndimore se sollën luftën civile në Libi.

“Duan thjesht të pushtojnë Libinë dhe të shfrytëzojnë pasuritë tona natyrore. Komuniteti ndërkombëtar coi Libinë në një luftë civile. I bëj thirrje Kombeve të Bashkuara dhe NATO-s të ndalin bombardimet mbi tokën libiane”, thuhet në mesazhin zanor të kolonelit.

Ndërkohë, NATO do të vazhdojë bombardimet mbi Libi deri në shuarjen e rezistencës së fundit të forcave besnike të Gadafit. Kështu siguroi Sekretarja e Shtetit, Hilari Klinton dhe presidenti francez, Nikolas Sarkozi.

Algjeria: Nuk e kemi menduar pritjen e Kolonelit

“Libia nuk ka menduar kurrë të presë Muamar Gadafin”. Kështu është shprehur ministri i Jashtëm algjerian, Mourad Medelci.

“Nuk është marrë në konsideratë hipoteza që Gadafi mund të trokasë në derën tonë”, ka përgënjeshtruar ministri, duke folur për radion “Europe 1”.

Ban ki Moon: Shumë shpejt misioni i OKB-së

“Kam ndërmend të punoj ngushtë me Këshillin e Sigurimit për t’i dhënë mandat një misioni të OKB-së, në Libi, që duhet të fillojë operacionet e veta në kohën më të shkurtër të mundshme”.

Kështu është shprehur sekretari i përgjithshëm i OKB-së, Ban Ki-Moon, duke folur në konferencë për të ardhmen e Libisë që po zhvillohet në Paris.
 

Top Channel