Yoshihiko Noda kryeministri i ri i Japonisë
30/08/2011 09:30
Lufta në Ukrainë, Zelensky bën thirrje për forcimin e mbrojtjes ajrore 24/11 17:18
Parlamenti japonez ka mbështetur Yoshihiko Noda si kryeministrin e gjashtë të vendit në pesë vitet e fundit.
Votimi erdhi pasi 54-vjecar, ish-ministër i Financave, siguroi lidershipin e Partisë Demokratike në zgjedhjet e së hënës.
Ish-kryeministri Naoto Kan, i kritikuar për menaxhimin e situatës pas tërmetit dhe tsunamit të 11 marsit, dha dorëheqjen bashkë me mbështetësit në kabinetin e tij.
Korrespondentët e mediave ndërkombëtare deklarojnë se kryeministri i ri do të ketë një axhendë të rënduar, me përpjekjet për të bashkuar partinë e përcarë.
Zona të shumta të Japonisë duhet të rindërtohen pas tërmetit dhe tsunamit të 11 marsit, ndërkohë që kriza e shkaktuar nga centrali bërthamor i Fukushimës duhet ende të zgjidhet.
Përvec këtyre, zotit Noda, një ekonomist konservator, do t’i duhet të zgjidhë stanjacionin e ekonomisë japoneze.
Më parë ai ka deklaruar se mbështet rritjen e fondeve përmes rritjes së taksave, përfshirë dyfishimin e taksave të shitjes për të shkurtuar borxhin.
Top Channel
