Kinë, 11 vjet burg murgut tibetian

Gjykata e dënoi atë për “vrasje të qëllimshme”, duke deklaruar se i kishte penguar murgut tjetër trajtimin mjekësor.

Incidenti ndodhi në muajin mars, në provincën e Sicuanit, ku është i pranishëm një komunitet i madh me etni tibetiane.

Ngjarja shkaktoi një valë protestash, si dhe një grumbullim të forcave të sigurisë në zonë. Rrethanat mbi vdekjen e murgut mbeten të paqarta.

Autoritetet kineze deklarojnë se personi, i njohur si Rigzin Phuntsog i manastirit Kirti, i vuri flakën vetes më 16 mars dhe vdiq për shkak se u fsheh për disa orë nga disa murgj të tjerë, të cilët i mohuan atij trajtimin mjekësor.

Në të njëjtën kohë, grupet tibetiane për të drejtat e njeriut deklaruan se dëshmitarë kishin parë një polic që i shuajti flakët murgut dhe që më pas e rrahu për veprimin e tij.

Në këtë pikë, sipas dëshmitarëve, murgjit dhe banorët lokalë e morën të lënduarin dhe e cuan në manastir para se ta dërgonin në spital disa orë më vonë.

Top Channel