“Irene” mbërrin në Kanada

Për momentin nuk janë regjistruar viktima, por policia po kërkon një person që ishte në bordin e veturës së tij, që u përfshi nga uji pasi një lum doli nga shtrati.

Erëra të forta dhe shira të dendura po godasin përvec Kebekut, Skocinë e Re dhe Terranovën. “Irene” ndodhet aktualisht 50 kilometra larg Baie Komeau.

Gjatë fundjavës uragani goditi Shtetet e Bashkuara, ku dëmet më të mëdha u shkaktuan në brigjet lindore, ndërkohë që u regjistruan 21 viktima.

Në Nju Jork, ku dëmet nuk ishin aq të mëdha sa parashikoheshin, ditën e sotme rifilloi nga puna transporti publik dhe pritet të rifillojë edhe bursa.

Presidenti Barack Obama, duke folur për situatën, ka deklaruar se do të duhet kohë për të marrë veten nga fuqia e uraganit.

“Po bëjmë vlerësimet për riparimin e dëmeve dhe do të vazhdojmë edhe në ditët e ardhshme. Do të duhet kohë për t’u rimëkëmbur pas një stuhie të këtyre përmasave”, ka thënë Obama. 

Top Channel