“Irene†mbërrin në Nju Jork, 10 viktima
28/08/2011 15:20
Izraeli: Libanezët e kanë të ndaluar të lëvizin në jug 29/11 08:28
Uragani “Irene” vazhdon të mbjellë shkatërrim dhe viktima në brigjet lindore të Shteteve të Bashkuara, edhe pse vihet re një dobësim i lehtë i tij.
Autoritetet njoftojnë për të paktën 10 viktima të rrugëtimit të uraganit shkatërrues, ku 5 janë regjistruar në Karolinën e Veriut dhe 3 në Virxhinia. Të paktën 3 milion personave u mungon energjia elektrike.
“Irene” ka mbërritur në Nju Jork me erëra të forta dhe shira të rrëmbyeshëm. Autoritetet njujorkeze ndërprenë misionet e evakuimit të popullsisë për shkak të rrezikshmërisë që mbartin dhe u bënë thirrje të gjithë qytetarëve që ndodhen në zonat e prekura nga “Irene” të qendrojnë brenda shtëpive të tyre.
Rrugët e Nju Jorkut, “qytetit që nuk flë kurrë”, janë të pushtuara nga uji dhe në to shikon vetëm makina të zjarrëfikësve dhe ambulance, që u vijnë në ndihmë personave në nevojë.
Top Channel
