Obama dhe Bush, bashkë në Ground Zero
25/08/2011 21:55
Forcat izraelite bombardojnë Libanin, raportohet për dhjetëra të vdekur e të plagosur 24/11 22:56
Barack Obama dhe George W. Bush do të jenë së bashku në Ground Zero për 10-vjetorin e tragjedisë së 11 shtatorit, përkujtimi i parë pas vrasjes së arkitektit të saj, sheikut të terrorit Osama bin Laden.
Do të jetë kulmi i një dite, të cilën nuk do ta kujtojë vetëm Amerika, por e gjithë bota. Të gjithë do të përkujtojnë ato 102 minuta që ndryshuan botën.
Rrëzimin e Kullave Binjake nga terroristët e Al Kaedës, që shkaktoi vdekjen e 2752 personave të 90 kombësive të ndryshme. Mes viktimave, edhe 343 zjarrfikës dhe 60 policë.
Gjithashtu, atë ditë pati edhe 127 viktima nga dy avionët e tjerë të marrë peng, njëri prej të cilëve u përplas me Pentagonin, ndërsa tjetri u rrëzua në Pensilvani.
Për të kujtuar sakrificën e këtyre personave, të dielën e 11 shtatorit, aty ku ngrihej World Trade Center, nuk do të ketë fjalime zyrtare por vetëm poezi.
Është ky rregulli i vendosur nga “i zoti i shtëpisë”, kryetari i bashkisë së Nju Jorkut, Michael Bloomberg.
Top Channel
