Cheney i kërkoi Bush bombardimin e Sirisë
25/08/2011 20:40
Sokratis Famellos zgjidhet lideri i ri i Syriza-s/ Do përballet me sfidën e unitetit dhe rimëkëmbjes 25/11 11:26
Ish-zëvendëspresidenti amerikan Dick Cheney bën të ditur në autobiografinë e tij se i kishte kërkuar presidentit George W. Bush në vitin 2007 që të bombardonte një impiant të dyshuar bërthamor në Siri.
Sipas “New York Times”, zoti Cheney thotë në librin e ardhshëm të tij se, ai ishte “një zë i vetëm” përsa i përket operacioneve ushtarake ndaj Sirisë.
Zoti Cheney thotë gjithashtu se ka kritikuar Condoleezza Rice dhe Colin Powell, që të dy kanë shërbyer si sekretarë të Shtetit.
Libri “Koha ime: Një Kujtim Politik dhe Personal” do të publikohet javën e ardhshme, saktëson “New York Times”.
Ish-numri dy i Shtëpisë së Bardhë shkruan në autobiografinë e tij se propozimin për bombardimin e Sirisë e bëri në qershor të 2007-ës, por nuk gjeti përkrahje.
“Pasi mbarova së foluri, presidenti pyeti: ‘A është dikush nga të pranishmit dakord me zëvendëspresidentin?’ Askush në atë dhomë nuk ngriti dorën”, shkruan Cheney në libër.
Top Channel
